Bakı.Trend:
Bu gün vəkillik sahəsində gənc və təcrübəli vəkillərin birliyi müşahidə olunur. Müdafiəçi olaraq, vəkillər cəmiyyət üçün olduqca vacib şəxslərdir.
Trend xəbər verir ki, bu fikirləri bu gün Konstitusiya Məhkəməsinin sədri Fərhad Abdullayev, Vəkillər Kollegiyasının təntənəli andiçmə və təltifetmə mərasimində bildirib.
F.Abdullayev vurğulayıb ki, cəmiyyət vəkillərə böyük etimad göstərir:
“Vəkilləri bəzən ‘təqsirləndirilən şəxsi müdafiə edən’ kimi təqdim edirlər, amma məncə, ‘etimad edilən şəxs’ kimi adlandırılması vəkillik peşəsinə daha böyük məna qatır. Məhkəmə qərarlarının yüksək səviyyədə tərtib edilməsi hüquq mədəniyyətinin tərkib hissəsidir. Bir sıra ölkələrdə süni intellektin ədalət mühakiməsinə təsirini müşahidə edirik. Bu proses dayanmadan irəliləyəcək”.