Qafqaz Müsəlmanları İdarəsi (QMİ) Gürcüstanda azərbaycanlıların sıx yaşadıqları Marneuli rayonu Sadaxlı kəndinin itmiş sakininin doğmalarının müraciətinə baxır. Bu barədə Trend ə idarədə xəbər verilib.
"QMİ yaxın zamanlarda görülən tədbirlər barədə ictimaiyyətə məlumat verəcək", - deyə QMİ-də bildirilib. Xatırladaq ki, bir neçə gün əvvəl sirli şəraitdə yoxa çıxmış Gürcüstanın Marneuli rayonu Sadaxlı kənd sakini Sədrəddin Pələngovun qohumları QMİ-nin sədri şeyxülislam Hacı Allahşükür Paşazadəyə müraciət edərək onun işin açılmasına köməklik göstərməsi üçün Gürcüstanın patriarxı II İlyaya müraciət etməsini xahiş ediblər.
