ABŞ-ın Azərbaycandakı səfirliyi 2006-2007-ci illərdə Fulbrayt təqaüd proqramını elan edir. Bu barədə Trend ə səfirlikdən məlumat verilib.
Bu proqram ABŞ-ın Dövlət Departamenti tərəfindən maliyyələşir və azərbaycanlı alim, tədqiqatçı və professorlara ABŞ-da 3 aydan 10 aya kimi elmi tədqiqatlarla məşğul olmaq imkanı verir.
Bu vaxta kimi proqramda 35-ə yaxın azərbaycanlı alim iştirak edib.
Fulbrayt proqramına kənd təsərrüfatı, arxeologiya, incəsənət, kimya, biologiya, təhsil, memarlıq, iqtisadiyyat, tarix, jurnalistika, hüquq, ətraf mühit, tibb və digər elmi sahələr daxildir.
Ərizələr ABŞ-ın Azərbaycandakı səfirliyində, Bakı şəhəri, Azadlıq prospekti, 83 ünvanda qəbul olunur. Ərizələrin son qəbul tarixi 18 noyabr 2005-ci ildir.