Noyabrın 28-i Azərbaycan mətbuatının banisi Həsən bəy Zərdabinin anım günü kimi qeyd olunur. Trend in məlumatına görə, anım tədbirləri bu gün səhər saat 10.00-da Fəxri Xiyabanda Həsən bəy Zərdabinin məzarının ziyarət olunması ilə başlayıb. Azərbaycan Mətbuat Şurasının, "Ruh" Jurnalistləri Müdafiə Komitəsinin, "Yeni nəsil" Jurnalistlər Birliyinin, Müstəqil Jurnalistlər Liqasının, Avrasiya Beynəlxalq Mətbuat Fondunun, "Zərdabi" Mətbuat Mərkəzinin və digər qurumların rəhbərləri və əməkdaşları, jurnalistlər, qəzet redaktorları Zərdabinin məzarını ziyarət ediblər.
Mətbuatımızın banisinin xatirəsi yad edilib, məzarı önünə tər çiçəklər qoyulub. Mətbuat Şurasının sədri Əflatun Amaşov bildirib ki, Həsən bəy Zərdabi vəfat edəndən 1920-ci ilədək noyabrın 28-i onun anım günü kimi qeyd olunub. Lakin 1920-ci ildən sonra bu nənə dayandırılıb. Mətbuat Şurası sədrinin sözlərinə görə, bu il - XXI əsrin 2005-ci ilində həmin ənənə yenidən bərpa olunub və ölkənin jurnalist təşkilatları bundan sonra hər il noyabrın 28-də Zərbainini xatirəsinin yad edilməsinə qərar veriblər.
Anım tədbiri bu gün saat 15.00-da Beynəlxalq Mətbuat Mərkəzində keçirilən toplantı ilə davam etdiriləcək.
Trend-in ən mühüm və maraqlı xəbərlərini "Telegram"da izləyin
