Peşəkar boksçu Əli İsmayılovun mayın əvvəlinə planlaşdırılmış növbəti reytinq döyüşü ayın sonuna keçirilib.
Azərbaycan yığmasının keçmiş kapitanının Trend ə verdiyi məlumata görə, əvvəlcə onun mayın 5-də Sankt-Peterburqda rinqə çıxacağı nəzərdə tutulurdu, ancaq təşkilatçılar planları dəyişdirib.
"Görüşü təxminən mayın 24-25-də keçirəcəyim gözlənilir. Ancaq rəqibimin adı hələlik məlum deyil. Böyük ehtimal var ki, bu, rusiyalı boksçu olacaq",- deyə Ə.İsmayılov nəzərə çatdırıb.
O, həmçinin, qeyd edib ki, döyüşə yaxşı formada getmək üçün hazırda məşq edir.