Azərbaycanın fiqurlu konki sürmə üzrə Kristin Freyzer-İqor Lukanin rəqs cütlüyü Qran-Pri seriyasından ənənəvi "Skate Canada" turnirində iştirak edəcək. Turnir oktyabrın 27-də Hartfordda (ABŞ) başlayacaq.
Trend in xəbər verdiyi kimi, bu, üçqat Olimpiya iştirakçıları üçün cari mövsümdə ilk yarış olacaq. Yarışda buz üzərinə dünyanın məşhur cütlükləri, o cümlədən Albena Denkova - Maksim Staviski (Bolqarıstan), Natali Peşo - Fabyen Borzo (Fransa), Aleksandra Zaretskaya - Roman Zaretski (İsrail) və başqaları çıxacaq.
Qeyd etmək lazımdır ki, əvvəlcə duetlər məcburi proqramı icra edəcək. Daha sonra onlar orijinal rəqslə çıxış edəcək, yarışda iştirakı isə sərbəst proqramla başa vuracaq.