Azərbaycan, Bakı / Trend müxbir E.Hüseynli/ Kür çayının Azərbaycan hissəsindən keçən ərazisində xırda daşqınların baş verməsi Gürcüstanda yağan intensiv yağışlarla bağlıdır. Bu barədə cümə günü Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin baş hidroloqu Asif Verdiyev məlumat verib. Verdiyev bildirib ki, Kürün səviyyəsi təhlükəli həddə deyil. Hazırda Kürün səviyyəsi 452 sm-dir ki, bu da təhlükəli səviyyədən 150 sm azdır. Belə ki, Kürdə maksimal səviyyə 550-600 sm olub. Onun sözlərinə görə, Kür çayında gursululuq dövrü mayın sonu, iyunun əvvəllərinə kimi davam edəcək.
Kür çayının Qazax rayonu ərazisindən keçən hissəsində mayın 2 və 3-ü xırda daşqınlar olub.
Qazax rayonu paytaxt Bakıdan 520 kilometr qərbdə yerləşir.