Azərbaycan, Bakı/ Trend , müxbir S.Ağayeva/ Hakimiyyətin ələ keçirilməsi siyasəti Azərbaycandakı dindarların siyasəti deyil. Bu barədə çərşənbə axşamı jurnalistlərə Qafqaz Müsəlmanları İdarəsinin sədri Hacı Allahşükür Paşazadə bildirib.
"Bizdə dindarların dövlətə qarşı münasibətləri həmişə loyal olub" - deyə o söyləyib.
Şeyxülislam qeyd edib ki, dinin siyasi məqsədlərlə istifadə olunması dünya dindarlarına xas olmamalıdır.
Paşazadənin sözlərinə görə, bu gün Azərbaycanda dindarlar və dövlət bir-biri ilə tam qarşılıqlı anlaşma şəraitindədir. Dini tolerantlıq məsələsi dövlətin diqqət mərkəzindədir. Azərbaycanda 2 min məscidin olması da bunu təsdiqləyir.