Azərbaycan, Bakı, 3 avqust /Trend/
Bu gün Azərbaycan atleti Dmitri Marşin London olimpiadasında mübarizəyə qoşulub.
Trend-in məlumatına görə, çəkicatma növündə çıxış edən 39 yaşlı idmançımız ilk cəhdində 72,06 m nəticə göstərib. Marşinin ikinci cəhdi uğursuz alınıb.
Üçüncü cəhddə isə atletimiz nəticəsini bir qədər yaxşılaşdırıb - 72.85 m.
Bu nəticə Marşinin təsnifat mərhələsindən finala yüksəlməsinə kifayət etməyib.
Qeyd edək ki, yarışda 42 idmançı hər birində 21 atlet olmaqla iki qrupda qüvvəsini sınayıb. Azərbaycan atleti B qrupunda mübarizə aparıb. Finala 12 ən güclü idmançı yüksəlib.