Azərbaycan, Bakı, 11 avqust /müxbir Trend A. Əsgərov/
Azərbaycanın 84 kq çəki dərəcəsində mübarizə aparan digər güləşçisi Şərif Şərifov London Olimpiadasının finalında rəqibi Xayme Espanieli məğlub edərək yığmamıza ikinci qızıl medalını qazandırıb.
Trend-in məlumatına görə, güləşçimiz ilk periodda 6:1, iknici periodda isə 2:0 məğlub edib.
Şərif Şərifov yarışa 1/8 finaldan qatılıb. Şərifov ilk döyüşündə Türkiyə güləşçisi İbrahim Bölükbaşı ilə üz-üzə gəlib.
İlk hissə Şərifovun xeyrinə başa çatır - 3:1. İkinci hissədə də üstünlüyünü əldən verməyən təmsilçimiz 5:2 hesabiyla udaraq 1/4 finala yüksəlib.
Güləşçimiz 1/4 mərhləsindədə amerikalı rəqibini yenərək yarımfinala vəsiqə qazanıb.
Şərif Şərifov yarımfinal mərhələsində İrandan olan güclü güləşçi ilə qarşılaşıb. Güləşçimiz qələbə qazanaraq finala yüksəlib.
Bundan öncə güləşçimiz Toğrul Əsgərov Azərbaycan yığmasına ilk qızıl medal qazandırmışdı.
Xatırladım ki, bu ana qədər Azərbaycan yığmasının 1 qızıl, 2 gümüş, 5 bürünc medalı var idi.