Azərbaycan, Bakı, 3 dekabr /Trend/
Yunanıstanın "Olimpiakos" komandasının sabiq çalışdırıcısı Ernesto Valverde İspaniyanın "Valensiya" futbol klubunun baş məşqçisi vəzifəsinə təyin edilib. Trend-in xarici KİV-ə istinadən verdiyi məlumata görə, 48 yaşlı mütəxəssis cari mövsümün sonunadək komandaya rəhbərlik edəcək.
Əgər komanda Valverdenin rəhbərliyi altında mövsümün yekununa əsasən Çempionlar Liqasına vəsiqə qazanarsa, onun müqaviləsinin müdddəti uzadıla bilər.
Qeyd edək ki, Valverde bu vəzifədə Maurisio Pelleqrinonu əvəz edib. Hazırda "Valensiya" ölkə çempionatında 18 xalla 12-ci pillədədir.