Azərbaycan, Bakı, 14 mart /Trend/
Qətərin idman məmurları UEFA Çempionlar Liqasının bənzəri olacaq Dream Football League-in yaradılacağı barədə məlumatı təkzib ediblər. Bu barədə Trend cümə axşamı "İnterfaks"a istinadən məlumat verir.
Futbol Assosiasiyasının dərc etdiyi xüsusi bəyanatda deyilir ki, Qətər Futbol Assosiasiyası və ölkənin digər futbol təşkilatları bu təşəbbüs barədə heç nə bilmirlər.
Qeyd edək ki, daha əvvəl "The Times" Qətərin dünyanın 24 ən yaxşı komandasının iştirak edəcəyi turnir yaratmaq istəyi barədə məlumat yaymışdı.