"Xəzər Lənkəran" futbolçularına xəsarət yetirən "Neftçi" klubunun idman direktoru istefa verdi

Azərbaycan, Bakı, 29 may /Trend, müxbir E.Mehdiyev/

"Neftçi" klubunun idman direktoru Güloğlan Cabbarov tutduğu vəzifədən istefa verib.

Klubun Mətbuat və İctimaiyyətlə Əlaqələr Departamentinin rəbbəri Gündüz Abbaszadə Trend-ə bildirib ki, Güloğlan Cabbarov az əvvəl klub rəhbərliyinin istefa ərizəsini qəbul etdiyini deyib.

Xatırladaq ki, Azərbaycan kubokunun dünən baş tutan "Neftçi" - "Xəzər Lənkəran" qarşılaşmasından sonra Güloğlan Cabbarov Cənub təmsilçisinin bir neçə futbolçusuna fiziki xəsarət yetirib.