Azərbaycan, Bakı, 4 avqust /Trend/
17 yaşadək qızlardan ibarət komandalar arasında Avropa çempionatının ilkin seçmə mərhələsində bu gün Azərbaycan yığması Polşa komandası ilə qarşılaşıb.
Trend-in məlumatına görə, Polşanın Brzeq şəhərindəki "Mosir Brzeg" stadionunda keçirilən qarşılaşma ev sahiblərinin 5:0 hesablı qələbəsi ilə başa çatıb.
Qeyd edək ki, Azərbaycan millisi bundan əvvəl Avstriya yığması ilə qarşılaşmış və 0:7 hesabı ilə məğlubiyyətə uğramışdı.