Azərbaycan, Bakı, 16 aprel /Trend/
Bu gün AFFA-nın baş katibi Elxan Məmmədov Buxarest şəhərində Rumıniya Futbol Federasiyasının yeni seçilmiş prezidenti Razvan Burleanu ilə görüşüb.
Trend AFFA-nın rəsmi saytına istinadən məlumat verir ki, görüşdə Azərbaycan və Rumıniyanın futbol sahəsində əlaqələrinin inkişaf perspektivləri müzakirə olunub. Qeyd edilib ki, Bakı və Buxarest şəhərlərinin Avro-2020-nin oyunlarına ev sahibliyinə namizədliyi irəli sürülüb və bu istiqamətdə hər iki ölkənin futbol qurumları tərəfindən ötən müddət ərzində görülmüş işlər barədə ətraflı fikir mübadiləsi aparılıb.
Sonra E.Məmmədov Buxarest şəhərindəki 55 min azarkeş tutumuna malik Milli stadionla tanış olub.