...

Azərbaycan avarçəkənləri Avropa çempionatının yarımfinalında

İdman Materials 31 May 2014 09:29 (UTC +04:00)
Serbiyanın paytaxtı Belqradda akademik avarçəkmə üzrə Avropa çempionatı start götürüb. Nüfuzlu yarışda Azərbaycanı 3 avarçəkən təmsil edir.
Azərbaycan avarçəkənləri Avropa çempionatının yarımfinalında

Trend-i buradan izləyin

Azərbaycan, Bakı, 31 may /Trend/

Serbiyanın paytaxtı Belqradda akademik avarçəkmə üzrə Avropa çempionatı start götürüb. Nüfuzlu yarışda Azərbaycanı 3 avarçəkən təmsil edir.

Azərbaycan Milli Avarçəkmə Federasiyasının mətbuat xidmətindən Trend-ə verilən məlumata görə, Cavid Əfəndiyev 1 nəfərlik yüngül çəkili qayıqla (LM1x), Aleksandr Aleksandrov - Boris Yotov dueti isə 2 nəfərlik qoşa avarlı qayıqla (M2X) 2000 metr məsafəyə yürüşlərə qatılıb. C.Əfəndiyev seçmə mərhələdə finişə 7 dəqiqə 16,020 saniyəyə çataraq 4-cü olub. Bu nəticə təmsilçimizin təsəlli yürüşündə iştirakına yetərli olub. Lakin o, növbəti yürüşündə məsafənin yarısını hamıdan tez keçsə də, yekunda 7 dəqiqə 16,740 saniyə göstərici ilə 4-cü yeri tutub. "İlk 3-lüy"ə düşə bilmədiyindən, C.Əfəndiyev medal şansını itirib. O, mayın 31-də 13-cü yer uğrunda mübarizəyə imkan verən C yarımfinalında çıxış edəcək.

Aleksandrov - Yotov dueti isə seçmə yürüşdə 6 dəqiqə 16 saniyə nəticə ilə finişə 1-ci çatıb. Bununla da cütlüyümüz birbaşa yarımfinala yüksəlib. Onların mayın 31-də keçiriləcək növbəti yürüşdə rəqibləri Çexiya, Hollandiya, Almaniya, Danimarka və Rumıniya təmsilçiləri olacaq. Duetimiz ilk "3-lüy"ə düşəcəyi halda, finala adlayacaq.

Qeyd edək ki, Avropa çempionatına iyunun 1-də yekun vurulacaq.

Məqalədə:
Xəbər lenti

Xəbər lenti