Azərbaycan, Bakı, 5 iyun /Trend/
7 iyun 2014-cü il tarixdə Azərbaycan və Rusiya sərbəst güləş yığmaları arasında yoldaşlıq görüşü keçiriləcək.
Azərbaycan Güləş Federasiyasından Trend-ə verilən məlumata görə, Dağıstan Respublikasının Levaşi rayonunda baş tutacaq görüş Dağıstanın dövlət və ictimai xadimi Həmid Həmidovun 60 illiyi münasibətilə təşkil olunacaq.
Yığma komandanın böyük məşqçisi Firdovsi Umudovun rəhbərliyi altında qonşu respublikaya yığmamızın 8 üzvü yollanacaq. Görüşdə ölkəmizi Yaşar Əliyev (57 kq), Əhmədnəbi Qvarzatilov (61 kq), Məhəmməd Müslümov (65 kq), Emin Əzizov (70 kq), Əşrəf Əliyev (74 kq), İbrahim Usubov (86 kq), Şərif Şərifov (97 kq) və Valera Rodriqes (125 kq) təmsil edəcək.