Azərbaycan, Bakı, 10 avqust /Trend/
Futbol üzrə Rusiya çempionatının ikinci turunun "Dinamo"-"Spartak" oyunu Ələkbər Məmmədovun xatirəsinə bir dəqiqəlik sükutla başlayıb. Bu barədə Trend R-Sporta istinadən xəbər yayıb.
İyulun sonunda 85 yaşında dünyasını dəyişən Azərbaycanın məşhur futbolçusu vaxtilə "Dinamo"nun da şərəfini qoruyub.
Hücumçu ampluasında çıxış etmiş Ələkbər Məmmədov bakının "Spartak" klubunun yetirməsi olub. "Dinamo"da 1954-cü ilin aprelində debüt edib və bu komandanın tərkibində dörd dəfə - 1954, 1955, 1957 və 1959-cu illərdə SSRİ çempionu olub.