Azərbaycan, Bakı, 24 aprel /Trend/
"Qarabağ" klubunun futbolçusu Namiq Ələsgərov növbəti fizioterapiya kursu keçəcək.
Trend AFFA-ya istinadən məlumat verir ki, Avro-2016-nın seçmə mərhələsi çərçivəsində martın 28-də Tofiq Bəhramov adına Respublika stadionunda Azərbaycan və Malta milli komandaları arasında keçirilmiş oyunda zədələnən N.Ələsgərov Almaniyanın Plattlinq şəhərində uğurla cərrahiyyə əməliyyatı olunub və ilkin fizioterapiya kursunu keçib.
4-6 həftə sonra futbolçunun Almaniyada növbəti fizioterapiya kursu olacaq.
Qeyd edək ki, N.Ələsgərovun bütün müalicə xərci AFFA tərəfindən ödənilir.