...

Norveçli şahmatçı Maqnus Karlsen Şəmkirdə futbol turnirinin qalibi oldu (FOTO)

İdman Materials 25 Aprel 2018 13:54 (UTC +04:00)
Vüqar Həşimovun xatirəsinə həsr olunan ShamkirChess 2018 superturnirinin iştirakçıları və təşkilatçılar arasında futbol turniri keçirilib.
Norveçli şahmatçı Maqnus Karlsen Şəmkirdə futbol turnirinin qalibi oldu (FOTO)

Bakı. Trend:

Vüqar Həşimovun xatirəsinə həsr olunan ShamkirChess 2018 superturnirinin iştirakçıları və təşkilatçılar arasında futbol turniri keçirilib.

Turnirin mətbuat xidmətindən Trend-ə verilən məlumata görə, Şəmkir Olimpiya İdman Kompleksində təşkil olunan yarışda 4 komanda mübarizə aparıb.

Azərbaycan və xarici şahmatçılardan ibarət komandalarla yanaşı, yarışda həmçinin ShamkirChess 2018 superturnirinin təşkilatçılarından formalaşan iki kollektiv çıxış edib.

Final oyununda Azərbaycan komandasıyla heyətində xarici şahmatçıların çıxış etdiyi "Dünya yığma"sı üz-üzə gəlib. Maraqlı anlarla yadda qalan həlledici görüş "Dünya yığma"sının 2-1 hesablı qələbəsiylə yekunlaşıb. Maraqlıdır ki, "Dünya yığma"sının turnirdə bütün qollarını Maqnus Karlsen vurub. Ümumilikdə norveçli şahmatçı 6 qolla yarışın bombardiri olub.

Sonda qalib komanda kubokla mükafatlandırılıb.

Məqalədə:
Xəbər lenti

Xəbər lenti