Bakı. Orxan Nəbiyev - Trend:
"Real" (Madrid) futbol klubunun baş məşqçisi Zinəddin Zidan istefa verdiyini açıqlayıb.
Trend-in məlumatına görə, o bu barədə Santyaqo Bernabeuda keçirdiyi mətbuat konfransında açıqlayıb.
Onun sözlərinə görə, istefa qərarını "Real"ın yeni qələbələrə ehtiyacı olduğu üçün açıqlayıb.
Qeyd edək ki, Z.Zidan 2016-cı ilin yanvarından "Real"a rəhbərlik edirdi. Bu müddət ərzində o, bir dəfə İspaniya çempionu adını qazanıb və 3 dəfə ard-arda Çempionlar Liqasında qalib gəlib.