Bakı. Trend:
İngiltərənin "Mançester Yunayted" futbol klubu Portuqaliyalı hücumçu Kriştiano Ronaldonun transferi ilə bağlı İtaliyanın "Yuventus" klubu ilə razılığa gəldiyini açıqlayıb.
Trend-in məlumatına görə, bu barədə İngiltərə komandasının mətbuat xidməti bildirib.
Futbolçu müqavilənin razılaşdırılması, vizanı alması və tibbi müayinədən uğurla keçdiyi təqdirdə kluba keçəcək. K.Ronaldonun "Yuventus" la müqaviləsi 30 iyun 2022 -ci ilə qədər qüvvədə olub.
Jurnalist Fabritsio Romanonun verdiyi məlumata görə, "Mançester Yunayted" komandası Turin klubuna 15 milyon avro, eləcə də 8 milyon avro bonus ödəyib.