Bakı. Trend:
Sentyabrın 10-da Azərbaycan Yelkənli İdman Federasiyasının təşkilatçılığı ilə “SFA Federasiyası Kuboku 2021” adlı yelkənli qayıqların yarışı başlayıb.
Trend xəbər verir ki, turnirin ilk günündə açıq dənizə çıxan yelkənçilər "Optimist”, "Ilca-4.”, "Ilca-7”, "Open Windsurf” sinifləri üzrə yarışıblar. 32 yelkənçinin iştirak etdiyi yarışa Yelkənli İdman Federasiyasının idman meneceri Burcu Algon Giorgian başçılıq edib.
3 gün davam edəcək yarışlarda iştirakçı sayında məhdudiyyət olmayacaq.
Qeyd edək ki, Kubokun mükafatlandırılma mərasimi sentyabr ayının 12-də keçiriləcək.
