Bakı. Trend:
Futbol üzrə İspaniya La Liqasının 25-ci turu çərçivəsində "Valensiya" "Barselona"nı qəbul edib.
Trend-in məlumatına görə, oyun qonaqların 4:1 hesablı qələbəsi ilə yekunlaşıb. "Barselona"nın heyətində qolları P.Obameyanq (23 və 38-ci dəqiqələr), F.De Yonq (32) və Pedri (63) vurublar, meydan sahibinin isə yeganə qolunu 52-ci dəqiqədə K.Soler vurub.
25 turdan sonra 42 xal toplayan "Barselona" (24 oyun keçirib) turnir cədvəlində dördüncü yerdə, "Valensiya" isə 30 xalla 12-ci yerdə qərarlaşıb.