Bakı. Trend:
UEFA Çempionlar Liqasının III təsnifat mərhələsində "Qarabağ" və Macarıstan "Ferentsvaroş"u arasında keçiriləcək ilk oyun üçün 28 min bilet satılıb.
Bunu Trend-ə "Qarabağ" klubunun mətbuat katibi Gündüz Abbaszadə deyib.
Onun sözlərinə görə, oyuna maraq çox böyükdür.
"Hazırda satışda minə yaxın bilet qalıb", - deyə o bildirib.
Qeyd edək ki, "Qarabağ" – "Ferentsvaroş" oyunu avqustun 3-ü saat 20:00-da başlayacaq. Matç Tofiq Bəhramov adına Respublika Stadionunda keçiriləcək.