Bakı. Trend:
Kipri təmsil edən idmançı Vera Tuqolukova Bakıda keçirilən bədii gimnastika üzrə AGF Trophy beynəlxalq turnirində gənclər arasında halqa ilə hərəkətdə birinci yeri tutub.
Trend xəbər verir ki, V.Tuqolukova 31.500 xal toplayıb.
İkinci yerdə polşalı gimnast Liliana Levinska (31.100 xal), üçüncü yerdə isə İsrail idmançısı Lian Rona (30.700 xal) qərarlaşıb.
Azərbaycan gimnastı Nuray Əhmədzadə 28.750 xalla finalda beşinci yeri tutub.
Qeyd edək ki, bədii gimnastika üzrə 3-cü AGF Trophy beynəlxalq turnirin yarışları 14-16 aprel tarixlərində keçirilir. Yarışlarda dünyanın 14 ölkəsindən 119 gimnast iştirak edir.