Bakı. Trend:
"Real"ın sabiq kapitanı Naço Fernandes "Əl-Kadisiya" klubuna keçib.
Trend İdman.biz-ə istinadən xəbər verir ki, bu barədə Səudiyyə Ərəbistanı təmsilçisi mətbuat xidməti məlumat yayıb.
34 yaşlı futbolçu yeni komandasında 6 nömrəli formada çıxış edəcək. Naço "Əl-Kadisiya"ya azad agent kimi keçib.
Qeyd edək ki, o, 26 kubokla “Real” tarixində ən çox mükafat alan futbolçudur. İspaniyalı müdafiəçi 6 dəfə Çempionlar Liqasının qalibi olmağı bacaran 5 futbolçudan biridir. Naço Madrid klubunda 364 oyun keçirib, 16 qol və 10 məhsuldar ötürmə edib.