Bakı. Trend:
"Mançester Yunayted" braziliyalı yarımmüdafiəçi Kazemironun yay transfer dönəmində 15 milyon funt sterlinqə satılmasına razıdır.
Trend xəbər verir ki, İngiltərə mətbuatında yayılan məlumata görə, klub 33 yaşlı futbolçunu 20 milyon funt sterlinqdən aşağı qiymətə buraxmağa hazırdır.
Kazemironun satışı "Mançester Yunayted"ə maliyyə itkilərindən qaçmağa və Premyer Liqanın maliyyə qaydalarını pozmamağa kömək edə bilər.
Qeyd edək ki, "qırmızı şeytanlar" 2022-ci ildə Kazemironu "Real Madrid"dən 60 milyon funt sterlinqə transfer etmişdi.