Bakı. Trend:
Mart ayında “Excelsior Otel & Spa Baku” otelində qadınlar arasında breyn-rinq yarışı keçiriləcək. Oyunu “Parlaq zəka” verilişinin aparıcısı Aydın Piriyev aparacaq.
Oyun Beynəlxalq Qadınlar gününə həsr olunduğuna görə, yarışın gedişi zamanı Azərbaycanın görkəmli qadınları ilə bağlı suallar səsləndiriləcək. Breyn-rinqin qaliblərinə sertifikatlar təqdim olunacaq.
“AtaHolding” ASC-nin Korporativ kommunikasiyalar şöbəsinin rəisi Dilarə Zamanova tədbir haqqında qeyd edib ki, “İntellektual səviyyənin yüksəldilməsinə yönəlmiş layihələrə dəstək “AtaHolding” Şirkətlər Qrupunun daimi ənənəsinə çevrilib. Qadınlar arasında breyn-rinqin keçirilməsi ilə biz onlar üçün qeyri-rəsmi ünsiyyətin bayram atmosferi yaratmaq və eyni zamanda faydalı istirahət təşkil etməyə çalışmışıq”.
“Excelsior Otel & Spa Baku” oteli 2005-ci ilin avqust ayından fəaliyyət göstərir. Oteldə 1 "İmperial" kral otagi, 2 "Royal" suit otaq, 4 "Crown" suit otaq, 45 "Heritage" lüks otaq ve 9 "Duke" standart otaq, konfrans zalları, biznes mərkəzi, restoran və barlar və şəhərin ən gözəl və böyük Spa və sağlamlıq mərkəzi var.