Bakı. Trend:
"Qiwi" ödəniş xidməti artıq öz “Cüzdan”ının müştərilərinə Azərbaycanın istənilən bankının kartlarına köçürmələr etmək imkanı verir.
Trend xəbər verir ki, bu barədə "Qiwi"nin mətbuat xidmətindən bildirilib.
"İstənilən Azərbaycan bankının kartına köçürmələr “Qiwi Cüzdan”da artıq mümkündür. "Qiwi" istifadəçiləri proqramda, pul cüzdanının veb versiyasında, həmçinin terminallardan pul köçürə bilərlər", - deyə şirkətdən bildirilib.
Köçürmələr Azərbaycan manatı, dollar və avro kimi valyutalarda mümkündür, göndərən şəxs pulu rublla ödəyir və konvertasiya məzənnəsi "Qiwi" partnyor bank tərəfindən müəyyən edilir.