Bakı. Trend:
Ötən ilin may ayında Prezident İlham Əliyev "Fiziki şəxs olan istehlakçılar tərəfindən Azərbaycan Respublikasının ərazisində bina tikintisi fəaliyyəti ilə məşğul olan şəxslərdən nağdsız qaydada alınmış yaşayış və qeyri-yaşayış sahələrinə görə ödənilmiş əlavə dəyər vergisinin qaytarılması Şərtləri və Qaydası"nın təsdiqlənməsi ilə bağlı fərman imzalayıb.
Fərmandan sonra nağdsız qaydada mənzil alan istehlakçıların çoxsaylı sualları yaranıb. Bunlardan biri də ipoteka kreditləri vasitəsilə alınan mənzillərə görə ƏDV-nin nə zaman qaytarılması məsələsidir. Çünki bir çox tikinti şirkətləri ƏDV-ni geri qaytarmamaqdan ötürü müxtəlif bəhanələr gətirir.
Mövzu ilə bağlı Trend-ə açıqlama verən iqtisadçı ekspert Xalid Kərimlinin sözlərinə görə, əsasən, vətəndaşların qarşılaşdıqları problem odur ki, Mənzil-Tikinti Kooperativləri (MTK) iddia edirlər ki, vətəndaş vaxtında müraciət etməyib, ƏDV-nin qaytarılması gecikib, bu, mümkün deyil. Lakin bu müraciətlərin gecikməsinin çoxunun üzrlü səbəbləri var. Belə ki, MTK-lar mənzil alan vətəndaşa elektron qaimə verə bilmirdilər.
Geniş videomüsahibəni təqdim edirik: