Bakı. Trend:
Bu gün İqtisadi Zonaların İnkişafı Agentliyinin yaradılmasından 3 il ötür.
Trend xəbər verir ki, bunu Mikayıl Cabbarov "X" sosial
şəbəkəsindəki hesabında bildirib.
"Bu müddət ərzində Agentliyin idarəçiliyində olan sənaye
zonalarında investisiya həcmi 750 milyon manat olan 56 sahibkarlıq
subyektinə rezidentlik statusu verilib, 17 müəssisə fəaliyyətə
başlayıb, 1.336 daimi iş yeri yaradılıb.
Bu dövrdə sənaye zonalarında 8,45 milyard manatlıq məhsul istehsal edilib ki, bunun da 35,7%-i (yəni 3,02 milyard manatı) ixracın payına düşür", - nazir qeyd edib.