...

Financial Chain Corporation növbəti uğurunu təqdim edir

İqtisadiyyat Materials 12 Fevral 2024 09:30 (UTC +04:00)
Financial Chain Corporation növbəti uğurunu təqdim edir

Bakı. Trend:

Financial Chain Corporation (Çexiya) “şəxsi sağlamlıq portfeli” (və “Şəxsi Sağlamlıq biznes seqmenti”) üçün Philips (Çexiya) ilə xidmət müqaviləsi imzaladı.

Bu müqaviləyə əsasən şirkət Çexiya, Azərbaycan, Gürcüstan, Özbəkistan və Qazaxıstan da daxil olmaqla Financial Chain Corporation-ın digər filiallarının yerləşdiyi müxtəlif ölkələrdə müxtəlif növ xidmətlər təklif edəcək.

Praqada Philips-in (Çexiya) ofisində qlobal əməkdaşlıq müqaviləsinin imzalanmasında Philips Çexiya-nın direktoru cənab Jakub Chvatal və Financial Chain Corporation-ın İdarəedici tərəfdaşı cənab Zaur Qədirov, eləcə də, Financial Chain Corporation Çexiya-nın regional meneceri cənab Teymur Axundov iştirak edib.
“Biz Philips kimi böyük və tanınmış şirkətlə xidmət müqaviləsi bağlamaqdan çox məmnunuq”, - Financial Chain Corporation-ın İdarəedici tərəfdaşı cənab Zaur Qədirov bildirib. - Bu müqavilə çərçivəsində biz Çexiya, Azərbaycan, Gürcüstan, Özbəkistan və Qazaxıstanda müxtəlif növ konsaltinq xidmətləri göstərəcəyik. Ümid edirik ki, gələcəkdə əlaqələrimiz daha da möhkəmlənəcək və xidmət göstərilməsi coğrafiyasını genişləndirə biləcəyik”.

Müqaviləyə imza atan tərəflər bir-birinə uğurlar arzulayıb, həmçinin gələcəkdə iki təşkilat arasında uzunmüddətli və ikitərəfli səmərəli əməkdaşlığa ümidvar olduqlarını bildiriblər.

Qlobal şirkət olaraq, Financial Chain Corporation müxtəlif ölkələrdə müxtəlif tanınmış şirkətlərlə əməkdaşlığı genişləndirməyə davam edir.

Xəbər lenti

Xəbər lenti