Bakı. Trend:
Cari ilin yanvar-aprel aylarında Azərbaycandan xaricə qaz satışı 8 milyard kubmetr təşkil edib.
Trend bu barədə Energetika Nazirliyindən məlumat əldə edib.
Məlumata görə, bu göstərici ötən ilin eyni dövrü ilə müqayisədə 500 milyon kubmetr və ya 5,9% azdır.
Belə ki, 2024-cü ilin yanvar-aprel aylarında Azərbaycandan xaricə qaz satışı 8,5 milyard kubmetr olmuşdu.
Qeyd edək ki, bu ilin yanvar-aprel aylarında ölkədə 16,7 milyard kubmetr təbii qaz hasil edilib. Qazın 4,5 milyard kubmetri “Azəri-Çıraq-Günəşli”nin, 9 milyard kubmetri “Şahdəniz”in, 0,5 milyard kubmetri “Abşeron” yatağının, 2,7 milyard kubmetrə yaxını isə SOCAR-ın payına düşüb.
Hesabat dövründə xaricə satılan qazdan 4 milyard kubmetr Avropaya, 3,1 milyard kubmetr Türkiyəyə (o cümlədən TANAP-la 1,9 milyard kubmetr), 0,9 milyard kubmetr Gürcüstana satılıb.