Bakı.Trend:
Qazaxıstanın korporativ istiqrazlarının ticarət həcmi 2024-cü ildə iki dəfə artıb.
Trend xəbər verir ki, bunu “Jusan İnvest” SC-nin idarə heyətinin sədri Timur Səlimov Bakıda keçirilən “KASE Day” adlı tədbirdə çıxışı zamanı deyib
O qeyd edib ki, Qazaxıstanın korporativ istiqraz bazarı 2024-cü ildə əhəmiyyətli artım nümayiş etdirib. Qazaxıstan Fond Birjasında (KASE) ticarət həcmi iki dəfə artaraq təxminən 8 milyard ABŞ dollarına çatıb.
"Biz görürük ki, korporativ istiqrazlar investorlar üçün getdikcə cəlbedici olur. Bunu ticarət həcminin artması da təsdiqləyir ki, bu da öz növbəsində bazarın likvidliyinin artmasına kömək edir", - Səlimov vurğulayıb.
Onun sözlərinə görə, 2024-cü ilin sonunda 511 emitentin istiqrazı KASE-nin rəsmi siyahısında olub və 130-a yaxın emitent ilkin yerləşdirilməyə hazırlaşır.