Avqust ayında Bakıda kommersiya obyektlərinin qiyməti təxminən 3% artıb
Azərbaycan, Bakı / Trend , müxbir Ü.İsmayılova/ "Daşınmaz Əmlak Bazarının İştirakçıları" ictimai birliyinin məlumatında bildirilir ki, avqust ayında Bakıda iyul ayına nisbətən, kommersiya obyektlərinin qiyməti 2,7% artaraq, bir kvadrat metr üçün 2755 dollar təşkil edib (iyul ayında 2745 dollar), 2006-cı ilin avqust ayı ilə müqayisədə isə, 27,9% artıb.
"Bakıda kommersiya obyektlərinin ən yüksək qiymət artımı (2,7%) avqust ayında müşahidə olunub" - deyə məlumatda bildirilir.
Kommersiya obyektlərinin gəlirlik əmsalı avqust ayında 1,2% azalıb, icarə qiymətlərinin artımı 0,9% təşkil edib.
Avqust ayında bazarda təklif olunan kommersiya xarakterli obyektlərini sayı 1,1% aşağı düşüb, artım 2% olmaqla, Bakının yalnız üçüncü zonasında müşahidə olunub. Avqust ayında alış-satış əməliyyatları ilə bağlı imzalanmış sövdələşmələr 1,2% artıb.
Aşağıdakı ümumi cədvəl Bakıda avqust ayında kommersiya obyektlərinin orta qiymətini göstərir:
| Şəhərin zonası | Bir kvadrat metr üçün orta qiymət ($) |
| Qaqarin körpüsü ərazisi | 2230 |
| Mətbuat prospekti | 1757 |
| Təbriz küçəsi | 2706 |
| "Xalqlar dostluğu" metrosu | 1752 |
| Şərq bazarı ərazisi | 3880 |
| Nəsimi bazarı ərazisi | 3712 |
| Bakıxanov qəsəbəsi | 1481 |
| "Gənclik" metorsu | 4717 |
| "Memar Əcəmi" metrosu | 2520 |
| "Landmark" biznez mərkəzi ərazisi | 4995 |
