Azərbaycan, Bakı / Trend müxbir Ü.İsmayılova/ Azərbaycan Milli Sahibkarlar Konfederasiyası (AMSK) Azərbaycanın Lizinq Şirkətləri Assosiasiyası (ALŞA) ilə birlikdə lizinq əməliyyatları üzrə Vergi Məcəlləsinə dəyişikliklərin edilməsi ilə bağlı təkliflər işləyib hazırlayır, bu barədə çərşənbə günü AMSK-nın rəhbəri Ələkbər Məmmədov məlumat verib.
"Sənəd ölkəyə lizinq predmeti kimi gətirilən avadanlığın ƏDV-dən azad edilməsini nəzərdə tutur" - deyə Məmmədov bildirib.
Mövcud olan qanuna əsasən, lizinq şirkətləri avadanlığın əldə edilməsi zamanı ƏDV ödəməlidirlər.
Məmmədovun sözlərinə görə, AMSK və ALŞA ƏDV-in ödənilməsinin iki alternativ variantını işləyib hazırlayıb, birinci variant tətil variantıdır ki, bu zaman ƏDV-nin dərhal deyil, lizinq avadanlığının dəyərinin ödənilməsi ilə bərabər ödənilməsini, həmçinin lizinq əməliyyatları üçün ƏDV dərəcəsinin indiki 18%-dən 7-10%-ə qədər azaldılmasını nəzərdə tutur.
Məmmədovun sözlərinə görə, birgə işlənib hazırlanan təkliflər parlamentin payız sessiyasında müzakirə olunacaq, müzakirə olunacaq mövzulara Azərbaycanın Vergi Məcəlləsinə dəyişiklik və əlavələrin daxil edilməsi daxildir.
Azərbaycan Milli Sahibkarlar Konfederasiyası 1999-cu ildə yaradılıb. Təşkilatın üzvlərinin sayı 3,5 min nəfərdən çoxdur. Üzvlük haqqı sahibkarın hüquqi statusundan asılı olaraq 100 manatdan min manatadək müəyyən olunur.
