Azərbaycan, Bakı / Trend , müxbir U.İsmayılova/ Azərbaycanın ərzaq malları bazarında qiymətlər ilin sonuna qədər daha 10 faiz artacaq, ilin əvvəlindən isə, qiymətlər 20 faiz qalxıb. Bu barədə çərşənbə günü Azərbaycan Azad İstehlakçılar Birliyinin rəhbəri Eyyub Hüseynov məlumat verib.
İlin əvvəlində Hüseynov bu il üçün ölkənin ərzaq malları bazarında qiymət artımını
30 faiz proqnozlaşdırıb.
Hüseynovun sözlərinə görə, əsasən, kənd təsərrüfatı məhsullarında müşahidə olunacaq qiymət artımı mövsüm göstəriciləri və kənd təsərrüfatı məhsullarının defisiti ilə əlaqədardır.
Dövlət Statistika Komitəsinin hesablamalarına görə, yanvar-sentyabr ayları ərzində ərzaq mallarının qiyməti 15,3 faiz artıb.