Azərbaycan, Bakı/ Trend , müxbir İ.Xəlilova/ "Azərbaycan İnvestisiya Şirkəti" (AİŞ) SC və İsveçrənin Holcim şirkəti AİŞ -in Garadagh Cement zavodunun kapitalında iştirak niyyəti haqqında memorandum imzalayıblar. Bu barədə cümə axşamı İqtisadi İnkişaf nazirinin müavini Mikayıl Cabbarov məlumat verib. Ilin sonuna kimi imzalanması gözlənilən müqavilədə memorandumda öz əksini tapmış razılaşmanın bütün şərtləri və bəndləri geniş şəkildə yazılacaq. Danışıqların davam etməsi ilə əlaqədar olaraq, nazir müavini AİŞ - nin Garadagh Cement pay iştirakı haqqında məlumat verməyib. Müqavilənin əsas səhmdarı Holcim öz payından 10 faiz səhmlərin verilməsinə razılığın bildirib. Lakin İnvestisiya Şirkəti bu paketi 20 -ə qədər artırmağı düşünür. Garadagh Cement -də iştirak payı almaq İnvestisiya Şirkətinə hazırki zavodun rekonstruksiyasında və yeni sement zavodunun tikintisində işitrak hüququ verir. Rekonsturksiya nəticəsində zavodun gücü artırılacaq və
Garadagh Cement -in indiki gücündən (1.4 mln. ton) çox olacaq. 1.5 mln ton gücündə yeni zavodun tikintisi də Qaradağ rayonunda nəzərdə tutulub. Layihədə Avropa Yenidənqurma və İnkişaf Bankının ilkin iştirak şərtləri Garadagh Cement ilə artıq imzalanıb. İlkin məlumatlara görə, yeni sement zavodu 150 mln. dollara başa gələcək. AİŞ - nə AYİB - in səhmdarların tərkibinə daxil olanadək, ixtiyarında 89.4 faiz səhm olan Holcim - in payında səhm paketi veriləcək. Avropa Bankı 2006 -cı ildə Garadagh Cement -də10 mln. dollara 20 faiz iştirak payı almaq haqqında qərar qəbul edib. Bu il AYİB səhmdarlar sırasına daxil olub. İsveçrənin Holcim şirkəti Garadagh Cement - i 1999 - cu ildə özəlləşdirib.