Azərbaycan, Bakı/ Trend , müxbir İ.Xəlilova/ Qeyri-bank kredit təşkilatı SOA Credit (ötən ildədək Shore Overciese Azerbaijan) 50 faizdən çox pay iştirakını xarici banka satmaq üçün Azərbaycan Milli Bankından icazə alıb. Bu barədə cümə günü təşkilatın idarə heyətinin sədr müavini Əjdər Əliyev məlumat verib. Razılaşma dekabrın sonunadək baş tutacaq və buna görə o, şərtləri bildirməkdən imtina edib. SOA Credit yüz faizli təsisçisi Amerikanın Shorebank qrupuna daxil olan Shorebank International Beynəlxalq Konsaltinq Firmasıdır. Əliyevin sözlərinə görə, yeni səhmdarın təşkilata daxil olması SOA Credit -in kapitalının artırılması yolu ilə olacaq. Kredit şirkətinin Nizamnamə kapitalı 2.5 mln. dollar təşkil edir. Bu kapital ABŞ Beynəlxalq İnkişaf Agentliyinin (USAİD) qrantın və qrant ehtiyatlarından istifadə vəsaitləri hesabına formalaşdırılıb. Qrant Shore Overciese Azerbaijan-ın fəaliyyətinin ilkin mərhələsində təqdim edilib. SOA Credit -in sədr müavini, kredit təşkilatında xarici bankın iştirakının xarici vəsaitlərin hesabına İpoteka kreditləşməsini genişləndirməyə icazə verəcəyinə əmindir. İndiyədək SOA Credit öz vəasitləri hesabına İpoteka kreditləri verib və onun İpoteka portfeli 5 mln. dollardan çoxdur. Bundan əlavə, kredit portfelində (10.5 mln dollar) ümumi çəkisi 2-3 faiz təşkil edən istehlakçı kreditləşməsini artırmaq planlaşdırılır. Əliyevin sözlərinə görə, növbəti ildən SOA Credit - in fəaliyyəti təşkilatın coğrafi genişlənməsi ( Bakıda SOA Creditin yeni ofisi açılacaq), yeni məhsulların tətbiqi nəzərdə tutulan yeni biznes - plan əsasında həyata keçiriləcək. SOA Credit -in səhmdarlarının siyahısının genişləndirilməsi qeyri-bank kredit təşkilatından banka transformasiya planlarından asılı olmayaraq baş verəcək. Lakin sədr müavini SOA Credit -in bu məsələ ilə bağlı Azərbaycan Milli Bankına müraciət etmədiyini bildirib. Banka çevrilmək üçün hazırlıq işləri ilkin mərhələdədir.
...