Azərbaycan, Bakı/ Trend , müxbir S.Babayeva/ 2008-ci ildə Azərbaycan Əmək və Əhalinin Sosial Müdafiəsi Nazirliyi ünvanlı sosial yardım alan ailələrin sayının artacağını proqnozlaşdırır. Bu barədə çərşənbə günü nazir Füzuli Ələkbərov məlumat verib. O, ailələrin artım sayını dəqiq rəqəmini bildirməyib. Ələkbərovun sözlərinə görə, növbəti həftə Bakıda "Ünvanlı yardım: reabilitasiya və dayanıqlı inkişaf" mövzusunda Beynəlxalq Konfrans keçiriləcək. Konfransın gedişində problemlər və bu sahədə görülən işlər müzakirə ediləcək. "Bizim əsas hədəfimiz - əhalinin imkansız təbəqələrinə kömək etmək, onların dayanıqlı inkişafına gətirəcək reabilitasiya prosesini sürətləndirməkdir"-nazir bildirib. Ölkə prezidentinin 2005-ci il 16 noyabr fərmanına əsasən, Azərbaycan əhalisinin imkansız təbəqələri ünvanlı sosial yardım almaq hüququ əldə ediblər. Ünvanlı sosial yardım haqqında Qanuna əsasən. onlardan asılı olmayan səbəblərdən (işsizlik, əmək qabiliyyətinin itirilməsi və.s) aylıq gəlirləri ehtiyac meyarından aşağı olan insanlar ünvanlı sosial yardım almaq hüququna malikdirlər. Bu gün üçün bu göstərici 40 manatdır. 2008-ci ilin yanvarından, ölkə prezidentinin fərmanına əsasən, ünvalı sosial yardımın hesablandığı ehtiyac meyarı 45 manat səviyyəsində təsdiqlənib. Əmək Nazirliyinin 2007-ci il yanvarın 1-nə olan məlumatlarına əsasən, ünvanlı sosial yardım adambaşına 16.36 manat (19.19 dollar), bütün ailə üçün isə, 77.98 manat (91.47 dollar) təşkil edib. 2007-ci ilin yanvar-avqust ayları ərzində 159060 ailə ünvanlı sosial yardım üçün nazirliyə müraciət edib və onlardan 130931-i qeydiyyatdan keçib. İlkin qeydiyyatdan 59977 ailə, təkrar qeydiyyatdansa, 70954 ailə keçib.
...
