Azərbaycan, Bakı, 18 yanvar/ Trend , müxbir S.Babayeva/ Azərbaycan "Beynəlxalq Yaşıl Həftə Berlin 2008" (International Green Week Berlin 2008) beynəlxalq sərgisi çərçivəsində Almaniyanın Kənd Təsərrüfatı Nazirliyindən Ümumdünya Ticarət Təşkilatına (ÜTT) daxil olmaq üzrə hazırlığa əlavə kömək istəyəcək. Bu barədə cümə günü dövlət idarəsindən məlumat veriblər. Danışıqları Azərbaycan nümayəndə heyətinə başçılıq edəcək kənd təsərrüfatı naziri İsmət Abbasov aparacaq.
"Normativ-hüquqi sənədlərin işlənilməsində, laboratoriyalarda ərzaq məhsullarına akkreditasiya verilməsi üzrə iş üçün yüksək ixtisaslı kadrların hazırlanmasında bizə (Kənd Təsərrüfatı Nazirliyinə) yardım edəcək Almaniya ilə əməkdaşlıqda maraqlıyıq" -nazirlikdəki mənbə bildirib.
Azərbaycan, ölkənin ÜTT-ə daxil olması prosesinin bir hissəsi kimi, Azərbaycanda sanitar və fitosanitar nəzarət sisteminin təkmilləşdirilməsi üzrə Almaniya hökumətindən texniki yardım alıb.
Azərbaycan Kənd Təsərrüfatı Nazirliyinin rəhbərliyi ilə reallaşdırılan birillik layihə nəticəsində, baytarlıq və fitosanitariya üzrə ölkə qanunvericiliyinin ÜTT-nin tələblərinə uyğunluğunun vəziyyəti müzakirə edilib. Alman ekspertlər baytarlıq və fitosanitariya laborartoriyalarının maddi-texniki bazası və kadrlarının qiymətləndirilməsini aparıblar. Azərbaycan Kənd Təsərrüfatı Nazirliyi hökumətə "Azərbaycanda heyvan və bitki mənşəli məhsulların təhlükəsizliyinin təmin edilməsi üzrə 2008 -2010-cu illər üçün İnkişaf Proqramı təqdim edib".
Kənd Təsərrüfatı Nazirliyi nəzdində, funksiyası sanitariya, fitosanitariya, ərzaq üzrə ÜTT-ə lazımi normativ-hüquqi sənədlərin təqdim edilməsi və prosesin şəffalığının təmin edilməsi olan İnformasiya Mərkəzi yaradılıb.
Layihənin reallaşdırılması üçün 50 min avro vəsait Alman Texniki Yardım Cəmiyyəti (GTZ) tərəfindən təqdim edilib. Vəsaitlər layihəyə cəlb edilən ekspertlərin xidmətlərinin ödənilməsinə yönəldilib.
Azərbaycan üçün sərgi orada ilk dəfə olaraq yerli şirkətlərin iştirakına görə də vacibdir. Azərbaycanın İqtisadi İnkişaf Nazirliyinin məlumatına görə, sərgidə, "Caspian Fish Co. Azerbaijan" ASC, "Gilan Holdinq", "Azersun Holdinq" , "MKT IKF" MMC daxil olmaqla, 15 iri şirkət iştirak edəcək.