Azərbaycan, Bakı, 29 mart / Trend , müxbir S.Babayeva / Yanvar və fevral aylarında Azərbaycanda 3376 min ton yük daşınıb ki, bu da 2007-ci ilin analoji dövrü ilə müqayisədə təxminən 20 faiz çoxdur. Bu barədə Dövlət Gömrük Komitəsindən məlumat verilib. Yüklərin ixracı 1812 min ton, idxalı isə 1564 min ton təşkil edib.
Komitənin məlumatında bildirilir ki, yanvar və fevral aylarında dəniz nəqliyyatı ilə 99,5 min ton, dəmiryolu vasitəsilə 451,9 min ton, avtomobil yolu ilə 103,4 min ton, hava yolu ilə 0,5 min ton, boru kəmərləri vasitəsilə isə 1156 min ton daşınma həyata keçirilib.
Azərbaycandan tranzit yolu ilə İsveçrəyə 1099,7 min ton, İtaliyaya 298,4 min ton, Gürcüstana 141,5 min ton, Tacikistana 75,8 min ton, Türkiyəyə 55,7 min ton, İrana 51,8 min ton, Rusiyaya 38,4 min ton, Böyük Britaniyaya 7,1 min ton, Türkmənistana isə 22,8 min ton yük daşınıb.