Azərbaycan, Bakı, 01 aprel / " , müxbir U.İsmayılova/ Azərbaycan sığortaçıları təcrübədə "şəxsi" və "ailə" sığorta müvəkkillərindən fəal istifadə etmək fikrindədirlər. Bu müvəkkillər nəinki şirkət xidmətlərini təqdim edir, hətta sığortalamanın hansı ardıcıllıq və hansı risk altında aparılmasını məsləhət görürlər. Bu haqda çərşənbə axşamı MBASK Sığorta şirkətinin filial və agent şəbəkəsinin inkişafı şöbəsinin rəisi Sədi Səməndəri məlumat verib.
"Bu, sığorta bazarının tam hüquqlu və lazımlı iştirkaçısı kimi fəaliyət göstərən sığorta müvəkkilinin yeni statusu ilə bağlıdır. O, kütləyə sığorta mədəniyyətinin daşıyıcısı kimi çıxış edir və təmsil etdiyi şirkətin imicinə təsir göstərir" - Səməndəri deyib.
Səməndərinin sözlərinə görə bu gün artıq 15 ildir ki, sığorta bazarında fəaliyyət göstərən sığortaçılara tələbatla yanaşı, onların müvəkkillərinin sayına, hətta peşəkarlıq, təhsil və mədəniyyət səviyyələrinə də tələbat vardır.
Azərbaycanın böyük sığorta şirkətlərindən biri olan MBASK aprelin 4-də 2005-ci ildən etibarən şirkətdə keçirilən Sığorta Müvəkkilləri Gününü qeyd edəcək. Şirkətin ekspertlərinin fikrincə, Müvəkkil Günü sığorta bazarında nəinki müqavilələrin sayının çoxalmasına və inkişafına, həm də sığortaçıların sahəsinin genişlənməsinə əhəmiyyətli dərəcədə imkan yaradır. Bu da sığorta haqlarının daxil olmasında və sığorta portfelinin strukturunun rasional formalaşmasında əks olunur.
Azərbaycanda martın 15-dən qüvədə olan "Sığorta fəaliyyəti haqqında" qanuna əsasən, sığorta vasitəçilərinin işinin idarə edilməsi məqsədi ilə Dövlət Sığorta Nəzarəti sığorta agentlərini və brokerləri bir il ərzində lisenziyalaşdıracaq.
1992-ci ildən Azərbaycanın sığorta bazarında fəaliyyət göstərən MBASK dördü vacib olmaqla 29 növdə sığorta xidməti göstərir. Şirkətin Nizamnamə kapitalı iki mln. manat təşkil edir. 2005-ci ilin yanvarından MBASK-ın səhmlərinin 30 faizi AYİB-ə məxsusdur.
Müəlliflə əlaqə saxlamaq üçün elektron ünvan: [email protected]
