Azərbaycan, Bakı, 14 may/ Trend / Azərbaycanın Milli Bankı kupyurun çeşidlənməsi sisteminin istismarı və xəzinədarlıq infrasturkturunun fəaliyyətinin təmin edilməsi üçün qablaşdırıcı materialların alınmasına dair tender elan edib.
Malın müqavilə imzalandığı gündən etibarən 50 təqvim günündən gec olmayaraq təqdim edilməsi tələb olunur. Tender təkliflərinin nəzərdən keçirilməsi zamanı malın qiyməti və onun funksional xüsusiyyətləri əsas meyar olacaq.
İddiaçı qismində tenderin iştirakçıları, iştirak haqqında müraciəti və digər sənədləri 2008 -ci il iyunun 16-dan gec olmayaraq Milli Banka təqdim etməlidirlər.
Tender təklifləri və bank zəmanəti 2008-ci il iyunun 25-dək qəbul ediləcək və 2008-ci il iyunun 27-də, saat 15.00-da Milli Bankın binasında açılacaqlar.
