Azərbaycan, Bakı, 22 may / / Mayın 25-26-sı aralığında Aşağı Saksoniyanın iqtisadiyyat nazirinin müavini Valter Xirxenin Bakıya səfəri gözlənilir. Bu barədə cümə axşamı Almaniyanın Azərbaycandakı səfirliyindən məlumat verilib.
Məlumatda bildirilir ki, Xirxe Azərbaycana Aşağı Saksoniyanın tikinti sahəsində fəaliyyət göstərən 28 sahibkardan ibarət nümayəndə heyətinin müşayiəti ilə səfər edəcək.
Almaniyalı sahibkarlar iqtisadi forum çərçivəsində Azərbaycan şirkətləri ilə əməkdaşlıq məsələlərini müzakirə edəcəklər.
Səfər zamanı Xirxe və onun başçılığı altında nümayəndə heyəti Azərbaycanın sənaye və energetika naziri Natiq Əliyev, iqtisadi inkişaf naziri Heydər Babayev və nəqliyyat naziri Ziya Məmmədovla görüşlər keçirəcək.
Aşağı Saksoniya Almaniyanın 16 federal torpağından biridir. Aşağı Saksoniyanın əhalisi Azərbaycanda olduğu kimi 8 mln. nəfər təşkil edir.
