Azərbaycan, Bakı, 26 may / Trend , müxbir İ.Xəlilova/ Azərbaycan Milli Bankı (MB) daşınmaz əmlakın alınması üçün kredit üzrə təchizat normalarını sərtləşdirib. Bu barədə bazar ertəsi kredit təşkilatlarının fəaliyyəti üzərində nəzarət Departamentinin direktor müavini Fətulla Ələkbərov bildirib. MB-nın qərarına görə, kredit altında girov təminatının dəyəri 150 faizə qədər artırılıb. Bu rəqəm əvvəllər 120 faiz təşkil edirdi.
Ekspertlərin rəyinə görə, bu qərar banklar üçün girovun qiymətləndirilməsi ilə əlaqədar çətinlik yaradır, həmçinin ipoteka krediti üzrə ilkin ödəmənin ötən ilki 30 faizə nisbətdə 50 faizə qədər artmasına gətirib çıxaracaq.
"Düşünürəm ki, bu məsələ ilə əlaqədar hələ müzakirələr aparmaq lazımdır" - deyə Ələkbərov bildirib.
Normaların yüksəldilməsində əsas məqsəd daşınmaz əmlak qiymətlərinin qalxması ilə əlaqədar ipoteka krediti üzrə təminatı artırmaqdır. Bu, gələcəkdə kreditlərin qaytarılması ilə bağlı problemdən qaçmağa imkan verəcək.
Bu gün Azərbaycan banklarının ipoteka portfeli Azərbaycanın İpoteka Fondu vasitəsilə ayrılan 56 mln. manat da nəzərə alınmaqla 250-300 mln. manat dəyərində qiymətləndirilir.
Mayın 26-na olan rəsmi məzənnə 0,8225 AZN/USD təşkil edir.
Məqalə müəllifi ilə əlaqə ünvanı: [email protected]
