Azərbaycan, Bakı, 02 iyun / / Cari ilin yanvar-aprel aylarında Naxçıvan Muxtar Respublikasında (NMR) nəqliyyat müəssisələri və fiziki şəxslər tərəfindən 2552 min tondan çox yük və 15423,1 min sərnişin daşınıb. Bu barədə NMR-in Bakıdakı daimi nümayəndəliyindən məlumat verilib. Ötən ilin göstəriciləri ilə müqayisədə yük daşımaları üzrə artım səkkiz faiz, sərnişin daşımaları üzrə isə 5,4 faiz təşkil edib.
Bu xidmətlərdən 8519,1 min manat həcmində gəlir əldə olunub ki, bu da 2007-ci ilin göstəricilərindən 3,7 faiz çoxdur.
Cari ilin yanvar-mart aylarında NMR-in nəqliyyat müəssisələrində 3115 nəfər işlə təmin olunub ki, bu da ötən ilin analoji dövr göstəricisi ilə müqayisədə 0,8 faiz çoxdur. Hər bir işçinin orta aylıq əmək haqqı 13,2 faiz artıb və 186,6 manat təşkil edib.
