Azərbaycan, Bakı, 19 iyun / Trend , müxbir U.İsmayılova/ Cari ilin yanvar-may aylarında Azərbaycanda mal dövriyyəsinin əsas hissəsini ərzaq (65,1 faiz) və qeyri-ərzaq malları (34,9 faiz) təşkil edib. Bu barədə cümə axşamı Dövlət Statistika Komitəsindən məlumat verilib.
Bu dövr ərzində əhaliyə 2653,9 mln. manat məbləğində ərzaq, 1424,6 mln. manat dəyərində isə qeyri-ərzaq malları satlıb.
Yanvar-may ərzində hər bir vətəndaş ticarət mərkəzləri və iaşə obyektlərində orta hesabla 482 manat məbləğində ərzaq malları alıb ki, bu da 2007-ci ilin analoji dövrü ilə müqayisədə 131,6 manat çoxdur.
Yanvar-may ayları ərzində pərakəndə satış mərkəzlərindən Azərbaycan əhalisinə 3980,3 mln. manat məbləğində mal satılıb. Bu dövr ərzində əhaliyə 98 mln. manat məbləğində xidmət təklif olunub ki, bu da 2007-ci ilin analoji dövr göstəricisindən 33,6 faiz çoxdur.
Məqalə müəllifi ilə əlaqə ünvanı:[email protected]
