Azərbaycan, Bakı, 07 iyul / Trend , müxbir U.İsmayılova/ Cari ilin iyun ayında Bakıda tikinti materiallarının qiyməti may ayına nisbətdə 3,7 faiz azalıb. Bu barədə bazar ertəsi "Əmlak bazarı iştirakçıları" İctimai Birliyindən məlumat verilib.
İlin əvvəlindən tikinti materiallarının qiyməti 11,3 faiz, 2007-ci ilin analoji dövrünə nisbətdə isə, 10,49 faiz bahalaşıb.
Birlik ekspertlərinin rəyinə görə, tikinti materialları qiymətlərinin qalxmasına, əsasən, dünya bazarında tikinti materiallarının qiymətinin və idxal zamanı nəqliyyat xərclərinin artması səbəb olub.
İctimai Birlik iyun ayında tikinti materiallarının 38 adda 84 növü üzrə monitorinq aparıb. Ay ərzində 10 növ üzrə qiymət azalması, 15-də artım müşahidə olunub. 56 növ üzrə qiymətlər stabil qalıb.
Təşkilat tərəfindən iyun ayında təhlil olunan bazarda yerli istehsal olan tikinti materiallarının payı 40 faiz təşkil edib.
Məqalə müəllifi ilə əlaqə ünvanı: [email protected] .